‘या’ ठिकाणी मिळाला नवीन कापसाला 10 हजार भाव

देशात साधारणपणे ऑक्टोबरमध्ये नवीन कापसाची आवक होते. मात्र हरियानातील पालवाल जिल्ह्यात नवीन कापसाची आवक सुरू झाली. खरिपात आगाप लागवड झालेल्या कापसाची आवक होत असल्याचे येथील व्यापाऱ्यांनी सांगितले. तर हरियानातील इतर भाग आणि पंजाबमध्ये सप्टेंबरपासून नवीन कापसाची आवक वाढेल. सध्या बाजारात ५०० गाठींपेक्षा कमी कापसाची आवक होत आहे. मात्र या कापसाचा दर गेल्या वर्षीपेक्षा जवळपास दुप्पट आहे. नवीन कापसाला ९ हजार ९०० ते १० हजार रुपये दर मिळत आहे. मागील वर्षी या काळातील कापसाला सरासरी ५ हजार रुपये दर मिळाला होता.